2012年12月21日 星期五

真正既白咖啡 - 舊街場咖啡店 - 馬來西亞怡保


相信好多人都飲過舊街場既白咖啡, 同其他人一樣, 我之前以為舊街場只係做即溶咖啡既生產商.  係馬來西亞, 舊街場係一間好多分店既Coffee Shop, 分分鐘多過Starbucks  !!  之前就特登去馬來西亞, 試一試真正既舊街場白咖啡! 



舊街場既白咖啡發源地係怡保, 到底咩係白咖啡呢?  白咖啡用左唔同既烘焙方法, 一般咖啡烘焙既時候會加牛油或者糖, 但係白咖啡就係咩都唔落, 所以"白" 係Pure 既意思~ 同顏色無關架

怡保距離吉隆坡兩個半小時車程, 可以搭巴士或者火車. 怡保係一個比較少發展既地方, 無大商場, 只係得小旅館. 
咖啡街2
咖啡街, 成條街都係coffee shop  ( 不過無Old Town )
舊式巴士
Little India
 幾經辛苦, 終於都搵到舊街場既總店, 位置都幾偏遠!

間coffee shop 既裝修有六七十年代既味道, 因為唔係好多人, 比較清靜~


俾大家睇一睇menu , 佢其實都有好多唔同選擇, 除左咖啡之外, 仲有Kaya Toast ( 好正! ) 或者喇沙 ( 但係就部分店先有)


我揀左熱白咖啡同Kaya Toast~  

白咖啡飲落好厚, 好滑, 好純. 飲過好舒服, 味道無其他咖啡咁濃~ 配Kaya Toast 一流 ! 佢仲有另一款Nanyang O 咖啡, 即係無奶咖啡, 不過就偏甜! 

原本以為來到會睇到有關舊街場既發展歷史, 可惜店主無分享出來. 由一間咖啡店, 到做即溶咖啡, 可以做到世界各地既人都嚐試到白咖啡既味道, 好唔容易! 好想知佢當初決定做即溶咖啡既時候內心有冇掙扎, 始終即溶咖啡既味道比咖啡店沖既會有好大落差! .

舊街場其實仲出左好多唔同既即溶咖啡, 大家可以去佢個website ( http://www.oldtown.com.my ) 睇下~ 













沒有留言:

張貼留言