2014年11月24日 星期一

巨鋒提子汁? - 班克咖啡 - 廣洲


係台灣,好多時都會係小區發現隱世咖啡店,今次既班克咖啡位於廣州 ( 體育西路站 ),遠望並唔起眼,但佢地既咖啡絕對令你一試難忙



班克咖啡提供唔少耀眼好咖啡,我同朋友分別叫左 巴拿馬日曬卡杜拉同巴拿馬藝技  ( 見到好野當然要把握機會:P )  


第一杯係巴拿馬藝技,有好似香茅一樣既香氣,入口有一陣陣既花香、莓香湧現,有帶甜味既餘韻,由入口到餘韻唔同階段都有不同風味,可惜稠感未夠,唔夠順滑.

另一杯既日曬卡杜拉係巴拿馬既參賽豆,沖既時候已經好香,一入口帶來好大驚喜,好強烈既巨鋒提子味! 由頭都尾,都以巨鋒提子味為主調,一種好吸引人既味道,飲過咁多杯咖啡,第一次飲到呢種味道. 至於口感,咖啡師沖得比上一杯好,順滑度大大改善,直到宜家都記得。





除左飲咖啡之外,班克亦都有售賣咖啡生豆, 咖啡用具等等~  佢地係廣州Kalita 既代理商,所以Kalita 既用具都非常齊全。



佢地既咖啡都係自家烘焙,今次來探訪班克咖啡其中一個主要原因就係同佢地交流烘焙知識,令自己既知識更進一步!

其實班克咖啡係台灣都有分店,同佢地傾計,知道老闆都會俾唔少Training 俾員工,令佢地對咖啡既知識可以不斷增加,如果我係佢地一份子就好了~~

---

班克咖啡
廣東省廣州天河區體育西橫街 115 號



2014年11月17日 星期一

係 Arabic 唔係 Arabic"a" 咖啡


前排有朋友帶左一份好特別既手信俾我,一包自來中東國家既Arabic Coffee,Arabic"a" 就聽得多,Arabic Coffee 又係咩來架呢?

首先,大家要有個心理準備,中東民族既口味同亞洲人唔同,佢地偏好濃味既食品而亦都好喜歡係食物中加入香料,今次既阿拉伯咖啡亦都唔例外.....


一剪開包咖啡已經聞到一陣好強烈既香料味,完全唔會聯想到"咖啡" 呢兩個字... 倒出來發現咖啡粉加左豆蔻,咖啡非常淺炒而且顆粒好粗...

佢既沖法同French Press 有少少相似,用1:15比例沖煮,張熱水加入咖啡焗10-15分鐘就可以飲用~   


正式既阿拉伯咖啡會用一種好特別既器皿"Dallah" 沖煮 ,有少少似鶴嘴壺,係香港好少見到...


工具所限,我只係簡單加水等10分鐘就試飲了,`味道就好似飲健康茶咁,有點點草本既味道,基本上咖啡味係完全被蓋過...一來極淺炒,風味未完全發展;二來豆蔻味太濃了~

平時沖咖啡,屋企人都會話好香,今次一開包阿拉伯咖啡,佢地已經話陣味好怪....呢啲可能就係文化差異

阿拉伯咖啡真係令我大開眼界,人一世物一世,咩都要試下 :P 


Al Rifai Cafe

2014年11月9日 星期日

邊做邊學 - Browny Cafe - 荃灣

好耐無為小林咖啡灌水,呢兩三個月無論係香港定我自己都發生左唔少事,呢幾日終於可以收拾心情,為大家分享關於咖啡既點滴。

--------------------------------------------


Browny Cafe 係荃灣荃昌中心,同地鐵站大概有20分鐘距離,來到呢度有一種自成一角既感覺,感受到店主花左唔少心思係Browny Cafe 入面.  咖啡店大概只有6-7個位... 除左咖啡之外,佢地都有提供少量輕食~



佢地既咖啡都係自家烘焙,單品咖啡分別來自非洲、中美同巴西(Rwanda 應該屬於非洲),我地選擇左Ethiopia Anfilo 、El Salvador 同 Honduras. 


第一杯係Ethiopia Anfilo,用Syphon 沖,咖啡溫度偏高,濕香有草本系既感覺,有別一般非洲咖,甜度比較高之餘亦帶有回甘,有少少似花旗參既味道,但口感就偏弱左少少,而且aftertaste 一般,唔夠持久.


第二杯 - El Salvador, 今次用Hand Drip 沖,用1:12, 93度沖,入口口感都唔錯,幾順滑有Body,不過就略帶焦味而且餘韻帶苦澀味,整體來講風味可以再突出一點..


最後一杯係 Honduras,都係Hand Drip,  三杯之中以最後呢杯風味最好,帶有點點梨皮味,甘甘地,口感都唔錯。

三杯都有共通點: 乾淨有待改善...另外,唔知係咪個杯本身太吸味,幾乎每一杯咖啡都聞到有明顯既奶味,如果佢地可以有一套"單品咖啡專用" 既杯會更好。

Browny Cafe 俾我感覺就好似一個新入職既人一樣,有一顆熱誠,咖啡都係自己烘焙的,雖然佢地對咖啡認識未必夠深,但係我相信,只要你有心,慢慢學,終有一日可以做好.,






---------

咖啡店: Browny Cafe 咖啡賞館
地址:    荃灣西樓角道202-216號荃昌中心昌寧商場地下66A號舖
時間:    11:00am - 10:00pm 
飲品:    Ethiopia Anfilo ( Syphon ),  El Salvador薩爾瓦多 ( Hand Drip ), 
            Honduras 洪都拉斯 ( Hand Drip )



*** 後記: 我大概 7月頭 來試Browny Cafe,最近我知道佢地開多左間分店係葵芳工廈,相信佢地既咖啡應該進步左唔少,有機會再試

2014年7月17日 星期四

行一個鐘都值得 - Single Origin - 澳門



繼續我澳門之旅,大家記得既話一定知我今次不斷盪失路,其中一次最"甘"就係去Single Origin 既時候了... 佢閒日收8:00pm, 睇地圖以為好近,我6點係大三巴附近出發,幾經辛苦行左好多冤枉路先搵到...來到已經7:15pm 了...... 佢位置都幾接近禮記雪糕,但因為馬路兩旁有其中一邊係掘頭路,行錯左要重新來過...如果你以香港路條規劃既邏輯諗就錯了,"條條大路通羅馬" 係澳門唔work... 

好啦,講返咖啡先。Single Origin 係一間小店,有兩層,但位置唔多,可以同 Barista 好 close,入到來見到佢地放左好多咖啡用具係Bar 枱。




又見到blooom roaster 既蹤影了,啡如其名,Single Origin 既選擇好多,單係ninety plus 已經有3款,而espresso 同 the seasons coffee corner 一樣,有3款俾大家選擇,分別係Old Fashion、Chocolate fundant 同 formosa 。

入到來,Barista 會先問一問我想試咩味既咖啡,花香、果香、要沉實既定活潑一點。最後我選擇左Ethiopia 既Konga Natural 同 Old Fashion Espresso。




佢呢個design同hazel and hershey 如出一徹,用銅喉作為hand drip 架,簡單又美觀。先飲Konga,見barista 預浸受水可以再平均一點,咖啡新鮮炒左6日,淺 烘,用1:16.6 沖煮。咖啡豆乾香有好強既臘肉味,係好既非州豆既獨特香氣。飲落口感順滑,乾淨帶有莓果味,餘韻持久~  

Barista 好有心機同客人傾計,佢提出日曬豆主要飲咖啡既甜味,咖啡唔好放得太耐,而水洗豆風味比較穩定,可以慢慢品嚐~


另外一杯係Espresso, 我揀左Old Fashion, 褐色Crema好吸引,入口味道平衡,酸度較弱,帶帶少少苦,口感醇厚度好好。 唔通傳統既咖啡既味道就係咁?

飲完已經入夜了..~  佢地亦都準備打烊

樓上位置唔多

Espresso 機

佢地好重視磨豆機, 第一次先見HG One! 不過佢地自己用梗M-3 ( 混合刀片) 

手寫Menu
有少量既咖啡用具




---------

咖啡店: Single Origin
地址:  
荷蘭園二馬路 19 號地下

時間:  12:00nn - 8:00pm
飲品:   耶加雪夫 - 孔加 ( Hand Drip ) , Espresso





2014年7月10日 星期四

可能係全世界最貴既咖啡 - 象屎咖啡


開左Happiness Project 之後,最大既意外收獲就係認識到好多意同道合同隱世咖啡高手, 好多時同佢地傾下計都覺得自己獲益良多,亦都覺得咖啡世界真係好大好大...


之前有好友特意係泰國帶來全世界最矜貴既咖啡- 象屎咖啡俾我地一試,真係三生有幸! 可能一生人只會飲一次!

顧明思意,象屎咖啡係大象既排泄物,由Blake Dinkin 發明,佢花左十年時間去研究,將咖啡豆加入香蕉成為大象既飼料,經過大象體內發酵、後期處理,成為象屎咖啡,因為非常矜貴,佢地命名為黑象牙咖啡 (Black Ivory Coffee),係2014年只得200kg產量,價錢亦非常昂貴,40g咖啡要幾百蚊!

Blake Dinkin 建議用比利時壺沖煮最能表現出象屎咖啡既風味,工具所限,我地用左虹吸壺


   
咖啡烘焙程度係Medium Roast,用1:12比例沖煮,沖既時侯都好緊張,怕浪費左朋友既一番心意!! 



沖好了!!  


象屎咖啡味道好特別,唔係花果味、草藥味,飲既時候,大家都諗左一陣,諗下點樣形容杯咖啡好,我地覺得杯咖啡味道有少少似火箭菜味,加少少酸味,都幾得意,同一般咖啡好唔同!

特意多謝朋友一番心意! 象屎咖啡好特別!


Black Ivory Coffee:

有關象屎咖啡既報導: